«Ազատ դեմոկրատներ» կուսակցությունում Սահմանադրական բարեփոխումների շուրջ քննարկումներ են ընթանում: Այս մասին NEWS.am-ի թղթակցին հայտնեցին կուսակցության վարչության անդամ, մամուլի խոսնակ Անժելա Խաչատրյանը:
Նա նշեց, որ որեւէ որոշման կամ պաշտոնական դիրքորոշման մասին դեռեւս վաղ է խոսել: «Նախ այն պատճառով, որ դեռեւս գոյություն չունեցող, վերջնական տեսքով քննարկման սեղանին չդրված փաստաթղթի մասին խոսել ու դիրքորոշում հայտնելն անտրամաբանական եմ համարում,եւ երկրորդ` Սահմանադրական փոփոխություններն այնքան լուրջ հարց են, որ դրանց միայն դեմ կամ կողմ լինելը քիչ է, պետք է մանրազնին քննվի այնտեղ տեղ գտած յուրաքանչյուր բառ եւ արտահայտություն,եւ յուրաքանչյուրի դրական եւ բացասական կողմերը պետք է նշվի հստակ ու հիմնավորված»,-ասաց մամուլի խոսնակը:
