Հայաստանի անկախ պետականությանը սպառնացող մարտահրավերներն ավելի առարկայական են դառնում: Ապաշնորհ կառավարման հետևանքով սոցիալ – տնտեսական քաղաքականության տապալման, քաղաքացու և անհատի շահերի ոտնահարման արդյունքում պետությունը նորանոր վտանգների առջև է կանգնում:
Նման մարտահրավերներից մեկն էլ օտարալեզու դպրոցների վերաբացմանը միտված քաղաքականությունն է , որը մենք գնահատում ենք որպես անկախ պետականությանն ուղղված հերթական ոտնձգություն:
Կարևորելով Հայաստանում օտար լեզուների անարգել և խորացված ուսուցումը, ինչպես նաև մայրենի լեզվով ժամանակակից կրթական ծրագրերի իրացումը, փաստում ենք.

• Հայաստանի պետական լեզուն հայերենն է;
• Պետական լեզվով տարվող ուսուցումը երկրի անկախության պահպանման կարևորագույն երաշխիքն է;
• Քաղաքակրթական արժեքներին ինտեգրման ճանապարհը ոչ թե այլոց նմանակումն է, այլ ժողովրդավարական և ազատական գաղափարների անվերապահ որդեգրումն ու իրագործումը:

«Ազատդեմոկրատներ» կուսակցություն
20.07.2011թ.